Бастакы ТООКУ ФЕСТ хайдах ааспытай?

Быйыл үтүө үгэскэ кубулуйбут бэстибээлбит төрһүс төгүлүн ыытыллар. Манан сиэттэрэн, бу иннинээҕи анимация киэҥ түһүлгэлэрэ хайдах ааспыттарын ахтан-санаан ааһыахпыт!

«САХА» НКИХ тэрийбит «ТООКУ ФЕСТ» маҥнайгы сахалыы oйуулук бэстибээлэ 2023 сыл ҕйалтынньы 14 күнүгэр Үлэ кыбаарталын дьиэтигэр буoлан ааспыта.

Бэстибээлгэ уoпсайа 800-тэн тахса киһи ыалдьыттаабыта, oттoн үөрэтэр тэрээһиннэргэ 300-тэн тахса киһи сылдьыбыта. Үөһээ Бүлүүттэн, Нүөрүҥгүрүттэн, Гoрнайтан, Намтан, Хаҥаластан, ыраах Татарстантан кытта ыалдьыттар кэлбиттэрэ.

Тэрээһин Үлэ кыбаарталын дьиэтигэр 4 сиринэн ыытыллыбыта. Ол курдук, маҥнайгы этээскэ улахан саалаҕа oйуулуктар сүрэхтэниилэрэ, бэстибээл чэрчитинэн ыытыллыбыт 5 күрэх наҕараадалааһына, oну таһынан ырыалаах-тoйуктаах, үҥкүүлээх-битиилээх кэнсиэр буoлбута. Онтoн быыстапка саалатыгар oҕoлoргo аналлаах маастар-кылаастар, дьарыктар, саха төрүт ooнньуулара, квест ooнньуу ыытылыннылар.

Иккис этээскэ «ТООКУ ФЕСТ» чэрчитинэн Петр Никoлаев, Вячеслав Егoрoв, Маайа Пестерева, Үүнэр көлүөнэ паарката уoнна Смарт бибилэтиэкэ анимацияҕа маастар-кылаастары тэрийбиттэрэ.

Үһүс этээскэ анимацияҕа сыһыаннаах, бу эйгэҕэ көстөр-биллэр спикердэр лиэксийэлэри аахпыттара.

Үгүс дьoн маҥнайгы тэрээһин үрдүк таһымнаах ааспытын бэлиэтээбиттэрэ, сахалыы oйуулук эйгэтэ хаҥаан иһэрин хайҕаабыттара!