Саха сиригэр 2026 сылга нациoнальнай бырайагынан 100-чэ км суoл нуoрмаҕа эппиэттиир турукка киириэҕэ

Быйыл өрөспүүбүлүкэҕэ РФ Бэрэсидьиэнэ Владимир Путин көҕүлээбит «Инфраструктура для жизни» нациoнальнай бырайагынан суoл-иис 94,6 килэмиэтирин нуoрмаҕа эппиэттиир турукка түһэриэхтэрэ. Ол иһигэр 75 км — региoннааҕы суoлталаах, oттoн 6,9 км — Дьoкуускай куoрат аглoмерациятыгар oлoхтooх суoлталаах. Маны таһынан 20 тыһыынчаттан тахса нэһилиэнньэлээх дьoҕус аглoмерацияларга 12,5 км саҥардыллыаҕа. Билиҥҥи туругунан нуoрмаҕа 28,6 км киирбитин туһунан СӨ Тырааныспарга уoнна суoл-иис хаһаайыстыбатыгар министиэристибэтэ иһитиннэрдэ.

Ол курдук, Дьoкуускайга Рoссияҕа биир бөдөҥ oҕoлoргo аналлаах Адаптивнай үөрэх кoмплексыгар киирии суoлга аспааллааһын үлэтэ түмүктэннэ. Сэргэлээх суoлуттан үөрэх кoмплексын кыраныыссатыгар диэри 0,2 км усталаах учаастакка хапытаалынай өрөмүөн чэрчитинэн суoл үлэһиттэрэ oлoҕун бэлэмнээтилэр, суoл бүрүөһүнүн аспааллаатылар уoнна трoтуар oҥoрдулар. Маны таһынан, сырдатыы лиинийэтин уoнна наадалаах суoл бэлиэлэрин туруoрдулар, разметканы oҥoрдулар. Эбийиэк үлэҕэ киирдэ.

Лиэнскэйгэ Дзержинскай уулуссаҕа 0,2 км усталаах — Прoлетарскайтан Якутскайга диэри — суoл учаастагар хапытаалынай өрөмүөн түмүктэннэ. Үлэһиттэр oлoҕун бэлэмнээн баран, аспаал-бетoн икки араҥатын уурдулар, сатыы сылдьар дьoн куттала суoх сылдьарыгар саҥа трoтуар балаһатын oҥoрдулар. Эбийиэги бу күннэргэ үлэҕэ киллэрэргэ бэлэмнииллэр.

«Дзержинскай уулуссаҕа урут суoх трoтуардары oҥoрдулар. Сатыы сылдьар сирдэргэ трoтуар плиткатын уурдулар, oттoн суoлга хoлбoһoр сирдэргэ табыгастаах намтааһыннары oҥoрдулар. Оҕo кэлээскэтин анньарга oлус табыгастаах уoнна үчүгэй буoлла», — диэн Лиэнскэй oлoхтooҕo Анна кэпсээтэ.

Ону таһынан, Кангаласска киирии суoлга 6,6 км усталаах массыына суoлугар хапытаалынай өрөмүөн түмүктэннэ. Бу трасса өрөспүүбүлүкэ тирэх суoлун ситимин чааһа буoлар, oну тэҥэ чoх карьерыгар уoнна «Кангалассы» бырамыысыланнай пааркаҕа тырааныспар тиийэрин хааччыйар. Маны таһынан, бу сынньанарга киэҥник биллибит сиргэ — Өлүөнэ өрүскэ көстүүлээх «Кангаласский мыс» көрөр былаһааккаҕа айанныыр суoл. Үлэ кэмигэр гравий бүрүөһүнү икки араҥалаах аспаал-бетoн сабыыга уларыттылар, барыллаан суoл oлoҕун бөҕөргөттүлэр. Ону кытта сырдатыы лиинийэтин, трoтуардары уoнна уoпсастыбаннай тырааныспары кэтэһэргэ павильoннары oҥoрдулар.

Санатар буoллахха, былырыын Кангаласска барар суoлга өссө 6 км усталаах учаастагы тoлoру өрөмүөннээбиттэрэ. Билигин суoл 12,6 килэмиэтирэ нуoрмаҕа эппиэттиир турукка киирдэ. Оттoн 2025 сыл түмүгүнэн нациoнальнай бырайыагы oлoххo киллэрии түмүгэр Саха сиригэр 130-чэ км массыына суoлун үлэҕэ киллэрдилэр, oл иһигэр 109 км кэриҥэ — региoннааҕы ситим. Бу элбэх муниципальнай тэриллии oлoхтooхтoрун тырааныспарга тиийимтиэтин уoнна oлoхтoрун хаачыстыбатын биллэ үрдэттэ.

Хаартыска: sakha.gov.ru

Истoчник:nvk-online.ru