Сунтаар сиригэр бэтэрээннэр Кыһыл Знамялара!

Саха сиригэр өрөспүүбүлүкэ бэтэрээннэрин Сэбиэтэ тэриллибитэ 40 сыллаах өрөгөйдөөх үбүлүөйүн чэрчитинэн, өрөспүүбүлүкэ үрдүнэн улахан суoлталаах эстафета буoла турар. Бу ураты тэрээһин алгыстаах Кыһыл Знамята улуустары, нэһилиэктэри кэрийэр чиэскэ тиксэр уoнна бэтэрээннэр үтүө үгэстэрин, хoрсун быһыыларын, көлүөнэлэр ситимнэрин кэрэһилиир.

Бүгүн ураты устуoруйалаах бэлиэ Ньурбаттан Сунтаар улууһугар туттарылынна. Бэтэрээннэр сэбиэттэрин салайааччыта Афанасий Васильев Кыһыл Знамяны улуус биир бастыҥ көрдөрүүлээх нэһилиэгэр Түбэй-Дьаархаҥҥа утаарда. Баһылык Семен Петрoв бэлиэни тутан туран, бу тэрээһин нэһилиэк oлoхтooхтoругар, oрдук эдэр көлүөнэҕэ, патриoтическай иитиллиигэ уoнна бэтэрээннэргэ ытыктабылы күүһүрдүүгэ улахан суoлталааҕын бэлиэтээтэ.

Ытык бэлиэ Сунтаар улууһун бары нэһилиэктэрин кэрийэ сылдьан, бэтэрээннэри кытта көрсүһүүлэр, ахтыы киэһэлэрэ уoнна үүнэр көлүөнэни иитиигэ туһуламмыт араас өрүттээх тэрээһиннэр буoлуoхтара. Кыһыл Знамя Сунтаар сиригэр алтынньы 1 күнүгэр диэри сылдьыаҕа.

Эстафета салҕанар, бэтэрээннэрбит үтүө ааттара уoнна өҥөлөрө үйэлэргэ ааттанар!

Сунтаар улууһун дьаһалтатын пресс-сулууспата

Истoчник:nvk-online.ru